أحد قدامى العونيين يعلّق على كلام باسيل: “طلاع من عباية عمك وخلينا نشوف حجمك بالتيار”
ردّا على توجيه النائب جبران باسيل من جزين رسالة لداخل التيار الوطني الحر، لاسيما قوله “من يعتبر نفسه أكبر من التيار فليرحل عنه لنشوف حجمه”، علّق أحد قدامى العونيين بالتالي:
بضحكني جبران وقت بيحكي عن حدا أكبر من التيار وبحطّو بوج التيار تيشوف حجمو … وسؤالي إلو ليش ما بتحطو بوجك وشو دخل التيار بمشكلتك معو؟
ليش انت من دون عمك شو حجمك بالتيار
وبرات التيار؟ نسيت كيف عملت رئيس تيار؟
نسيت كيف عملت وزير بعناد عمك ودعم حزب الله بالرغم من سقوطك بالانتخابات مرتين؟
نسيت كيف عملت نايب بعد 13 سنة من عودة الجنرال وبقانون انتخابات مفصّل ع قياسك كمان بضغط منو؟
نسيت كيف عملت رئيس جمهورية ظلّ 6 سنين كمان بقلم عمك؟
انت عم تحكي بالتيار ونظامو يلي اختصرتو بمادة وحيدة عبارة عن مصلحة ومزاج شخصك الكريم ؟
وهلق بعد كل هودي وفشلك الذريع وانعكاساتو على التيار والبلد، آخد عمك الجنرال وطالع تقاتل فيه، بقلب البيت العوني، لتعصر ما تبقى من رصيدو؟ وإلك عين تتمرجل كمان؟
ليش يا جبران مين من التيار نال 1% من لي إنت نلتو من دعم شخصي وتجيير كل رصيد التيار وعمك الجنرال ووصلنا لهون حتى تحكي عن حدا بالتيار أكبر أو أصغر منو؟
أخيرا”، طلاع انت يا جبران من عباية عمك، وساعتها وخلينا نشوف حجمك بالتيار وبراتو…
مواضيع ذات صلة :
 منسّق التيار في المملكة المتحدة يستقيل: باسيل لم يحسن الحفاظ على الوزنات |  “لسنا تيار خدمات”… باسيل: من يرحل من التيار يرحل وحده |  “التيار”: كنعان اختار أن يقدّم استقالته في الإعلام |
