سعيد سرحان: أهرب من نفسي إلى الشخصيات التمثيلية وعانيت من علاقة سامّة مع امرأة نرجسيّة

بحلقة مش عادية النجم اللبناني سعيد سرحان بيحلّ ضيف على برنامج “ما بتقطع” بحوار مفتوح وشفّاف لأقصى الحدود بيسترجع فيه مشوارو بالسينما والمسرح والدراما، بحديث صادق عن البدايات، الطفولة، الذكريات الحب والفن، وبيكشف كواليس أهمّ المشاهد اللي قدّمها على الشاشة بأعمال متل “الهيبة”، “وأخيراً”، “باب الجحيم”، “بارانويا”، “الغريب” وغيرها الكتير كما بيعلن لأوّل مرة عن عمل مسرحي رح يجمعو بالمخرج أسد فولادكار والنجمة اللبنانية ندى أبو فرحات. بالشق شخصي بيفتح سعيد قلبو وبيحكي عن فقدان الوالد بعمر زغير وعن العالم اللي بيخلقو لنفسو من خلال الشخصيّات اللي بيلعبها. أما بالحب فبيكشف انو مرّ بعلاقة سامّة مع امرأة نرجسية وبيحكي عن خطورة هيك علاقة على أي انسان. وبالحلقة بيعلن عن مشاركتو بعمل ضخم الى جانب نجوم عالميين وبيكشف عن فكرة سيناريو ممكن يكتبو بنفسو بيعود فيه 600 سنة بالتاريخ ليتناول قصة امرأة استثنائية. وبالشق الفني، شو الشهادة اللي سمعها من النجم السوري بسّام كوسا وليش اعتبرها بمثابة جائزة كبيرة؟ شو كان مفروض يكون دوره بمسلسل “النار بالنار” وهل انعرض عليه دور البطولة بمسلسل “باب الجحيم”؟ شو قال عن ثنائية تيم حسن وسيرين عبد النور؟ ليش سأل إذا المخرج سعيد الماروق تعرّض لتعتيم اعلامي؟ مين الممثلة اللي بيحبّ يشاركها دور البطولة وليش أخد قرار قطعي بعدم المشاركة بأعمال ما بتوازي قدراتو التمثيلية؟ كل هالأسئلة وغيرها الكتير بيجاوب عليها سعيد سرحان بحلقة استثنائية من “ما بتقطع” مع رنا أسطيح عبر منصة هنا لبنان.
كل هالاسئلة وغيرها بيجاوب عليها الفنان رواد رعد بهالحلقة من ما بتقطع مع رنا أسطيح عبر منصة هنا لبنان.