في أربعينه.. الأب مجدي علاوي يتذكّر ابنه بكلمات مؤثّرة: “شو كنت حابب افرح فيك يا بيي”!
بعبارات مؤثرّة، خاطب الأب مجدي علاوي إبنه ماتيو عبر صفحة “سعادة السماء”، وكتب:
“غابت الضحكة ودبل الورد واتغير مكان وزمان العرس، السما اتزيّنت ولبست أنقى ثوب تا تستقبل العريس.
شو كنت حابب إفرح فيك ،انسرق الحلم يا بيي وصارت حياتك واقع مجسّد بصور معلقة على الحيطان بعد ما كانت الدني مش سايعتك…
غدروك وبحقدن زنّروك وجسدك الضعيف انهزم، انطعن ،مات واندفن….
٤٠ يوم بعدّت عنا بالجسد بس روحك باقية وخالدة مع كل نسمة عم تهمس ما تخافوا وما تبكوا عليي انا عايش بسلام وامان وإنتو دايماً بصلاتي ….
شوفوني مع غمرة كل فقير مع بلسمة جرح كل مشرّد مع كل صنّارة عم بتأمن الصيد لعيش حياة كريمة ،انا باقي معكن بثورة الحب ما تخافوا تثوروا وتطالبوا بعدالة الحب.
ربي يسوع وإمي مريم ماتيو وديعة بين إيديكن، احضنوا ودفوا بحبكن وحنانكن ومعكن عرس السما بيحلى ….
الله يهنيك يا ابني بمجد السماء اشتقتلك …”.
مواضيع ذات صلة :
 لكل مليون مشاهدة.. كم يدفع فيسبوك؟ | شركة تسويق تتنصت على مستخدمي “فيسبوك”! |  عطل يتسبّب بتغيير أيقونة تطبيق “فيسبوك” |
