تعرفوا على شهر الطلاق!

بيشهد شهر كانون التاني من كل عام، إرتفاع ملحوظ بمعدلات الطلاق على مستوى العالم… لدرجة صار معروف بـ”شهر الطلاق”.

وبالنسبة للمختصين، فهيدي الظاهرة إلا عدة عوامل، أبرزا الضغوط المالية بعد موسم الأعياد، والرغبة ببداية جديدة مع العام الجديد.

وبحسب صحيفة “ديلي ميل” البريطانية، فأوضحت دراسات إنو الإجازات الطويلة خلال موسم الأعياد، بتجبر الأزواج على قضاء وقت أطول مع بعض، الأمر يلي بيكشف عن مشاكل كانت مخفية بالعلاقة.

كما إنو التوتر المالي الناجم عن نفقات العطلات والهدايا، بضيف ضغوط على العلاقات المتوترة أصلاً.

أما المحامين المختصين بقضايا الأحوال الشخصية، فأشاروا إلى إنو كتير من الأزواج بأجلوا قرار الإنفصال حتى إنتهاء موسم الأعياد، تجنباً لإفساد الاحتفالات العائلية… ومع وصول كانون التاني، بقرروا البدء بإجراءات الطلاق.

مواضيع ذات صلة :