بو عاصي ردًا على رعد: يكفي استكبارًا.. و”حاج تصنّف اللبنانيّين على ذوقك”
![](https://www.thisislebanon.com/wp-content/uploads/2024/04/Untitled-128.jpg)
رد عضو تكتل “الجمهورية القوية” النائب بيار بو عاصي على رئيس كتلة “الوفاء للمقاومة” النائب محمد رعد قائلاً: “حاج محمد حاج تربحنا جميلة. حاج محمد حاج تصنّف اللبنانيين على ذوقك”.
وأضاف عبر حسابه على منصة “اكس”: “على فوقة، مين هنّي اللئام يللي عم تحكي عنهم؟ كونك بهالجرأة سميهن بالاسم. بعدان مين كلفك تدافع عنّا من خارج الدولة وممثلي الشعب. بشرفك تشرحلنا كيف عم تدافع عن لبنان وكيف عم تنصر غزة؟”
وتابع: “كل لبنان عم ينهار بسبب سياساتك وانتصاراتك الإلهيّة الوهميّة والمدمّرة. انت خليت مقومات صمود اقتصادي واجتماعي بلبنان؟ ما تكون مفكر صواريخك الإيرانية بيطعمو شعب ساهَمت انت بذبحه من الوريد للوريد”.
وسأل: “مين هودي يللي مربحهم جميلة انك راضي بلا نفس ان يكونوا في لبنانك غير اللبناني؟ يا كلّي الجرأة ليش ما بتسميهم؟ ما يكون قصدك المسيحيين! ما يكون قصدك كل المسلمين والمسيحيين يللي مش راضيين على زجهم في أتون النار الإقليمية”.
وختم: “حاج محمد حاج استعلاء واستكبار في خضم حرب قرر الإيراني ان يجعل من لبنان ساحة لها حتى يموت ويهاجر آخر لبناني. حاج محمد حاج استكبار واستعلاء وخدنا بحلمك شوي”.