الصادق لباسيل: “مش عيب تعترف بالخطأ… يلّي استحوا ماتوا”

ردّ النائب وضاح الصادق، على رئيس التيار الوطني الحر النائب جبران باسيل، عبر منصّة “أكس”، قائلاً: “عمليًا ما بعرف بأيّ لغة ممكن نحكي معك. مش عيب تعترف بالخطأ، الاعتراف فضيلة، بس مقارنة حكمك على مدى 13 سنة مع بعض نواب التغيير أسخف من انّو ينردّ عليه، وحتى محازبينك مش مصدقينو. حلفائك سلموك الحكم بالكامل بالـ٢٠١١، بعد ما انقلبتو انت وياهن على الديمقراطية وعلى خصومك، وقت رفع عمك شعار one way ticket وتغطّى بسلاح راعيينك. كان عندك أكبر كتلة نيابيّة، وأكبر كتلة وزارية لتنفذ صفقة مار مخايل. وشو كانت النتيجة؟ اسستوا انت وحلفاءك لانهيار البلد يلي بلش بالـ٢٠١٦، وقت تحاصصت مع خصومك  بالاجتماع الشهير ووزعتوا مغانم الدولة وسرقتوا البلد، وأفلستوا شعبو، وارتكتبتوا فيه أكتر ممّا يمكن يرتكبه عدو. إذا بدي إحكي كل القصّة ما بعرف وين بلّش ولا وين اخلص، بحكي عن الكهرباء وبواخرها، ولا عن السدود وجفافها، إذا بدي إحكي  عن كل ارتكاباتك بدي بوستات ع سنة وبالكاد تكفّي. حلو الاعتذار للناس، بس أكيد بدو شجاعة مش وقاحة، والواقعية السياسية منيحة كمان، بس بدها حدّ أدنى من الكرامة حتّى ما تصير تزلّف، وأكيد لأ، الكذب مش ملح الرجال، الكذب ملح الجبناء… صحيح يلّي استحوا ماتوا”.

مواضيع ذات صلة :

باسيل: استقلال البلد مهدّد لأننا دخلنا في حرب لم يكن يجب أن نقع فيها

باسيل: القرار 1701 والإستراتجية الدفاعية وحدهما ليسا كافيان

باسيل: موقف ترامب يُمثّل فرصة ثمينة للبنان