هيفاء وهبي لبيروت: “بترجاكي ارجعيلنا يا حلوة”
كتبت الفنانة اللبنانية هيفاء وهبي عبر حسابها على “إنستغرام” بذكرى انفجار مرفأ بيروت: “اليوم الذكرى الأولى لعيد موتك يا لبنان”.
وقالت: “إتغير المنظر الي كنت شوفه من شرفة بيتي المطلة عليك يا مرفأ! كنت أوقف عالشرفة و شوف بيروت الحلوة، شوف الأضوية والناس عمتتمشى مبسوطة! هلا صار المنظر جرح.. صرت شم ريحة وجع وصرخة كل شخص فقد غالي عقلبه بالانفجار!”.
وأضافت: “لكل طفل ولكل شاب ولكل صبية ولإلك يا سحر.. لكم يا ملائكة بالسما بهدي وردة بيضا متل روحكم البريئة الي ما ذنبها!!”.
وتابعت وهبي: “المنظر اتغير يابيروت.. بترجاكي ارجعيلنا يا حلوة اشتقنالك..ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك ..يا سندنا و يا ضهرنا المكسور نحنا حدّك مارح نتركك لترجع توقف عإجريك، وقلّها لبيروت الي راقدة بالعناية الفائقة نحنا واقفين برّا بس عمبيقولولنا الزيارة ممنوعة ما عمبيخلونا نفوت نطمن عليها!”.
وختمت: “اليوم لابستِلك انا ابيض يا حلوة.. لونك، لون الأمل اللي ما بدي افقده قومي اوقفي مشّي معنا نرجع لهونيك”.
View this post on Instagram
مواضيع ذات صلة :
 وفد من “تجمع أهالي شهداء انفجار مرفأ بيروت” زار القاضي الحجار |  أهالي ضحايا المرفأ من روما: لن نسمح للظلم ان يكمل وسيُحاسَب كل الفاسدين |  والدة الشهيدة سحر فارس: “الوجع ما بخفّ… بيكبر” |
