سلام زعتري: كنت مستعِدّ روح للآخر كرمال بنتي تعيش ولو ما كنت مؤمن كنت هلق بالسما!

بوحدة من أصدق وأقوى مقابلاتو على الإطلاق، الإعلامي سلام الزعتري بيفتح النار على الفاسدين بالبلد وبحطّ الإصبع عالجرح بأكتر من ملف حسّاس بالسياسة والإعلام والفن. ولأوّل مرّة، بيحكي عن أصعب تجربة قطع فيها بحياتو وشو عمل لما ما قدر يلاقي دوا لبنتو. ليش فكّر بالانتحار؟ كيف قدر يتخطّى الإحباط؟ شو الرسالة القوية اللي وجهّها بموضوع الصحية النفسية بلبنان؟ ليش قال “كان بدّي إقلب الطاولة على كل شي”؟ هل انتهى مشوارو التلفزيوني أم التلفزيون نفسو انتهى؟ شو هو البرنامج اللي اعتبر انو لازم يتوقّف عرضو؟ شو كان موقفو من الحملات اللي طالت وجوه إعلامية متل ديما صادق وبولا يعقوبيان وداليا أحمد وريما نجيم وليال الاختيار وغيرن؟ كيف وصف الساحة الكوميدية بلبنان والعالم العربي؟ وشو هي التوقعات اللي أطلقها بطريقتو الساخرة والكوميدية لعام 2023؟ كل التفاصيل بتتابعوها بحلقة نارية من “ما بتقطع” مع رنا أسطيح.