يمنى بو حنا: المعايير المفروضة عالنساء بالتمثيل ما بتقطع، وأنا استُبعدت بسببها!

بهالحلقة من ما بتقطع الممثلة اللبنانية يمنى بو حنا بسترجع قصة بداياتها مع الكاتب الكبير مروان نجار بمسلسل “احلى بيوت راس بيروت” وبتحكي لاول مرة عالهوا عن سبب ابتعادها لاربع سنين عن مجال التمثيل ومعاناتها مع الكآبة والوزن الزايد وبتوجه صرخة قوية ضد المعايير الظالمة المفروضة عالنساء بمجال التمثيل. يمنى اللي عملت رجعة قوية بأكتر من مسلسل بتسترجع أهم الادوار اللي قدّمتن عالشاشة؟ شو قصتها مع المسرح وشو الموهبة المخفية اللي عندها ياها الى جانب التمثيل والغناء؟ مين الممثل اللي اختارتو سفير للصحة النفسية؟ شو الرسالة اللي وجهتها للكاتب طارق سويد؟ مين اختارت بين وسام حنا ووسام صليبا؟ وليش فضّلت نادين نجيم بين بطلات الدراما؟ كل هالتفاصيل وأقوى التصريحات والاخبار الفنية بتتابعوهل بهالحلقة من ما بتقطع مع رنا أسطيح.