لم أقلّد ملحم بركات، ملحم زين هو الأفضل وهذه الأغنية كانت لآدم!

بحلقة سقفها عالي كتير النجم نقولا الاسطا بيكشف لبرنامج “ما بتقطع” حقايق بتنقال لأوّل مرّة عالهوا وبيعطي رأيو بصراحة وبالأسماء بمواضيع فنية واجتماعية حساسة. وبالحلقة بيسترجع نقولا الاسطا مشوار ٣٥ سنة بالفن من البدايات مع ذهبية وديع الصافي ببرنامج استوديو الفن وصولاً لأحدث أعمالو الغنائية بعنوان بيكفّي. هل قلّد ملحم بركات أو بالعكس كرّمو بهالأغنية. مين الأصوات العظيمة الموجودة اليوم عالساحة؟ ليش فضّل ملحم زين وشو قال عن مرعي سرحان؟ شو رأيو بالنجوم معين شريف عاصي الحلاني؟ ليش اختار وائل كفوري وصابر الرباعي من حفل تريو نايت بجدّة؟ شو هوّي الفن اللي قال عنو تحت الأرض وما كان لازم يطلع عمسارح؟ شو قال عن سارة زكريا ومنعها من الغناء بمصر؟ وشو قصة الاغنية المعروفة اللي كانت للنجم آدم قبل ما تنجح بصوت نقولا الأسطا؟ وبالشق الانساني تخللت الحلقة لحظات مؤثرة حكي فيها الاسطا بشفافية عن العيلة والوطن والحب وكشف عن نقطة ضعفو اللي بتوجعو؟ شو قال عن الظلم، ولمين قال “اذا بتسخف فني بمحيك محي من حياتي”؟ كل هالاسئلة وغيرها بيجاوب عليها بكل شفافية النجم نقولا الاسطا بحلقة نارية من ما بتقطع مع رنا أسطيح عبر هنا لبنان