سنا نصر: ميراي مزرعاني استنسخت برنامجي، وتلات ارباع المذيعات عم تعرض حالها عالهوا!
بحلقة سقفها عالي كتير الاعلامية اللبنانية سنا نصر بتحل ضيفة الليلة على برنامج “ما بتقطع” وبتفجّر مفاجآت من العيار التقيل، وبتحكي لأوّل مرة عالهوا عن استبعادها من أحد البرامج الكبرى لصالح مذيعة قالت عنها “صفر ذكا وصفر خبرة” وبتعتبر انو تلات ارباع المذيعات اليوم عم تعرض حالها عالهوا. ليش قالت انو المشهد الاعلامي ما بيقطع؟ شو قصة العرض اللي تلقتوا بتمضية ليلة حمرا مقابل ألوف الدولارات؟ ليش قالت ما بنذلّ لو بدّي اشحد عالطريق؟ ليش اضطرّت تبيع سيارتها؟ وشو قصة الكمبيالات اللي تخلّصت منها؟ شو قالت عن الاعلاميات ريما نجيم وميراي عيد وليش اتهمت ميراي مزرعاني بتقديم نسخة طبق الأصل عن برنامجها سنة ورا سنا؟! شو اعلى مبلغ تقاضتو كمذيعة راديو؟ شو كشفت عن طلاقها وليش قالت “كنت مقموعة”؟ ليش قالت ولادها هني الشي الوحيد اللي ممكن يبكيني أو يقهرني؟ شو موقفها من عمليات التجميل وشو العمليات اللي خضعت لإلها؟ شو قالت عن زواجها للمرة التانية وليش حكيت عن الفستان الأبيض والطرحة؟ وشو قصة المشروع الكبير اللي عم تحضرلو هلق؟ وليش قالت ما بزقّف غير لبرنامج “سنة ورا سنا” وشو كشفت عن تفاصيل عودتها لاثير اذاعة جرس سكوب اف ام؟ كل هالتفاصيل وغيرها الكتير بحلقة استثنائية من ما بتقطع مع رنا أسطيح عبر منصة هنا لبنان.
