سعيد الماروق: فيلم العمر سيحصد الأوسكار .. وهذا سرّ نجاح الدولة العميقة!
حلقة نارية من برنامج “ما بتقطع” ضيفها المخرج اللبناني سعيد الماروق اللي استعاد مشوار من النجاحات بالسينما والدراما وعالم الفيديو كليب وكشف لأوّل مرّة على الهوا عن أسرار وحقايق كتيرة من كواليس مشواره. الماروق تحدّث عن النجاح الكبير لمسلسل الدولة العميقة والتحديّات اللي واجهها بالتصوير بكوبا واسطنبول وفرنسا وغيرها، واعتبر انو دراما المنصات أنصفت قدراته كمخرج بيعشق الغموض والاعمال السيكولوجية بوقت انحصرت اعماله السينمائية باللايت كوميدي. وعبّر الماروق عن اعتزازه بشكل خاص بمسلسل دور العمر والمستوى العالي لهالعمل الاستثنائي بأرشيفه وحكي عن كواليس صناعة هالنوع من الاعمال اللي بتشكّل تحدّي خاص. وبالشق الشخصي تحدّث الماروق بكل جرأة عن مراحل حياته والازمات اللي واجهته واللي وصل البعض منها للقضاء كما اعتبر انو الناس بتهتم بالاتهامات وما بتعود مهتمة بالحقيقة لما تظهر . وأشار الى انه بيحلم اليوم بتنفيذ فيلم بيتناول قصة أهله وناضلهم مع الصمم والبكم، مؤكداً انو هالفيلم بياخد أوسكار. وعن نجاحاته بعالم الفيديو كليب تحدّث عن تعاوانته مع كيار النجوم متل وائل كفوري عاصي الحلاني نجوى كرم ونانسي عجرم وأجاب بفقرة بتقطع/ما بتقطع عن سلسلة أسئلة محرجة وبالاسماء بتطال معظم نجوم الدراما والغناء. كل هالتفاصيل المشوقة وغيرها بتتابعوها بهالحلقة من ما بتقطع مع رنا أسطيح عبر منصة هنا لبنان.
