فادي حداد: هالأغنية لنوال بتقتلني، نانسي قصة كبيرة وأدعو نجوى كرم ترجع تولّعها!

بحلقة نارية ومواقف جريئة بيطلّ المخرج اللبناني فادي حداد بمقابلة غير تقليدية ضمن هالحلقة من برنامج ما بتقطع مع رنا أسطيح وبيستعيد مشوار بيتخطّى التلاتين سنة بمجال صناعة الصورة وبيتحدّث عن كواليس تعامله مع مجموعة من ألمع نجوم العالم العربي. ولأوّل مرّة بيكشف عن موقف شخصي سبّبلو الحزن والخوف بسبب عارض صحي تعرّضلو ابنه. وبيتحدّث عن أهمية العيلة بالنسبة لإله، نظرته للمرأة، وقصة شغفو بالكاميرا من عمر زغير. ليش قال كان مفروض كون عامل أزمة قلبية ؟ شو أكتر موقف ما بيقطع مرّ عليه؟ ليش اعتبر انو البخل هو مقبرة الفن؟ وشو قصّة ماجد المهندّس والتبرعات بآلاف الدولارات؟ ليش دعي نجوى كرم لعودة قوية ؟ شو قال عن الأغنية المفضّلة عنده بين أعمال نوال الزغبي ؟ شو الأغاني اللي رح نشوفها قريباً بعدسته لكبار النجوم؟ وشو قال عن كاظم الساهر، ملحم زين، صابر الرباعي، وائل جسار، جنّات، عبد الله الرويشد، رامي عيّاش، علاء زلزلي، رامي صبري، شيرين عبد الوهاب وغيرن من نجوم الوطن العربي ؟ شو الغنية اللي ندم عليها ومين الفنان اللي اتصل وقله حقك عليّ؟؟ وليش اعتبر انه أنقذ أغنية جمهورية قلبي للفنان محمد إسكندر ؟ ليش قال “المال يتكلّم في الفن” ؟ وشو موقفو من الغرور ؟ شو قصة نوبة البكي اللي قطع فيها وشو كان سببها ؟ شو أكتر فكرة قطعت براسه وبخاف منها؟! كل هالأسئلة وغيرها بجاوب عليها المخرج فادي حداد بحلقة جديدة من ما بتقطع مع رنا أسطيح السبت 7 المسا عبر منصة هنا لبنان