مازن معضّم: ما عندي طموح سياسي ورفضت فيلم عالمي لأن ما طُلب منّي كان ما بيقطع!!

حلقة نارية بامتياز مع النجم مازن معضّم ضمن برنامج ما بتقطع بيكشف فيها ولأوّل مرّة عن مشروع فيلم هوليوودي ضخم عُرض عليه وبيحكي عن سبب اعتذاره عنّه رغم كل المغريات. ليش قال اللي انطلب منّي ما بيقطع؟ شو قصّة لقب #كازانوفا اللي لاحقه لسنين؟ هل سبق ووقع بحب ممثلة شاركته البطولة؟ شو أفضل ثنائية شكلها بالدراما اللبنانية؟ وهل هناك فعلاً قطيعة بينه وبين النجمة ورد الخال رغم التعاونات اللي جمعتن؟ شو الوجع الموجود بحياته واللي قال عنّه كسرة ضهر؟ لمين من نجوم اليوم بيصفّق؟ شو قال عن ماغي بوغصن ونجوم مسلسل ع أمل؟ بشو وصف المقارنات المستمرّة بين نجوم سوريا ولبنان؟ كيف وصف تعاونه مع النجمة أمل عرفة والقديرة منى واصف؟ بشو وصف باسل خياط قصي خولي ماجد المصري ومعتصم النهار؟ وليش قال انو ما كان بيعرف مهيار خضّور قبل الدراما المشتركة؟ كيف وصف علاقته بزملاء المهنة وأصدقاء المشوار؟ شو قال عن باسم مغنية وبديع أبو شقرا؟ وهل بيوافقن على تصريحاتن الأخيرة؟ مين الإسم اللي ببيع عربياً؟ ليش اختار ملحم بركات وفضل شاكر؟ شو قال عن المخرجين باسل الخطيب سمير حبشي فيليب إسمر سعيد الماروق؟

كل هالأسئلة وغيرها من المواضيع المشوّقة بتتابعوها بهالحلقة من ما بتقطع مع رنا أسطيح عبر منصة هنا لبنان