الياس الزايك يفضح مافيات الإنتاج وتبييض الأموال… ويصرّح: باميلا الكيك من بين الأقوى والأكثر ذكاءً!

بمقابلة نارية بامتياز، بيكشف النجم اللبناني الياس الزايك عن خفايا وأسرار كتيرة من مشواره التمثيلي اللي بيمتد لأكتر من 15 سنة وبيستعيد محطات بارزة من أعماله المعروفة بمسلسلات متل صرخة روح سوا الحب الحقيقي من الآخر محرومين أسود من إلى 8days وغيرها الكتير. ليش اعتبر فيلم بغمضة عين من أسوأ التجارب اللي قطع فيها؟ شو قصة المسلسل الضخم اللي طلع مشروع تبييض أموال؟ ليش وصف خماسية صوّرها بسوريا بالتجربة السيئة على كل المستويات؟ شو قصة ألواح الخشب بالتمثيل؟ وليش قال “صار الوقت توعى شركات الإنتاج من الكوما؟” لمين وجّه رسالة وقال “ليش بدّو يكون عندك الشرف تتعامل مع أسماء كبيرة، ما عندك شرف كفاية بحدّ ذاتك بعيداً عن هالأسماء؟” شو قصة The Mindful Performer وكيف أنقذ حياة شخص حاول الانتحار؟ ليش اعتبر إنو مسلسل مش مهم الإسم من أجمل التجارب اللي خاضها؟ شو سرّ إعجابه بالمخرجة ليال راجحة وليش كانت السبب الأساسي لموافقته على المشاركة بهالعمل؟ شو قصة التعاون مع معتصم النهار وأندريا طايع؟ شو قصة الأكاديمية اللي تدرّج فيها الزايك وسبق واحتضنت مواهب عالمية متل روبرت دي نيرو وسلمى حايك؟ وشو قصة الفيلم التاريخي العالمي اللي بيحلم فيه وليش ركوب الخيل رح يوصلّه لهالفيلم؟ كل هالأسئلة وغيرها بيجاوب عليها بكل صراحة الممثل الياس الزايك بهالحلقة من ما بتقطع مع رنا أسطيح.