“كلّو مسموح” مع نايله وروي الخوري: كارول سماحة كما لم ترونها سابقاً!

حلقة مؤثّرة ومليانة مفاجآت مع المنتجة نايله الخوري والفنان والمخرج روي الخوري بيكشفوا فيها تفاصيل بتنحكى لأوّل مرة عالهوا عن العمل الاستعراضي الضخم كلو مسموح المأخوذ عن إحدى أشهر مسرحيّات برودواي Anthing Goes، اللي برصيدها أكتر من 50 جايزة عالمية.

العد العكسي للمسرحية بدأ مع الإعلان عن تاريخ انطلاقها من 9 لـ 17 أيار على خشبة مسرح كازينو لبنان وهي من بطولة النجمة كارول سماحة وروي الخوري وعدد كبير من الممثلين متل دوري السمراني نور حلو جوي كرم نزيه يوسف و فؤاد يمين وبمشاركة أكتر من 20 راقص وراقصة وأوركسترا كاملة من موسيقيين من مختلف الجنسيات.

شو الكلفة الإنتاجية لعمل بهالضخامة؟ ليش قالت نايله الخوري “كارول سماحة ملكة المسرح”؟ شو أبرز المواقف المضحكة والمفارقات اللي صارت بالكواليس؟ وشو قصّة الديو بين روي خوري و فؤاد يميّن؟

وشو المفاجأة اللي انصدم فيها كل فريق العمل أثناء التمرينات مع الممثلين والراقصين؟ هل ممكن تنعرض المسرحية بالخارج؟ وشو الأعمال المستقبلية اللي عم يتمّ التحضير لإلها؟ وبفقرة الأسئلة السريعة، شو قالوا روي ونايله الخوري عن نانسي عجرم ميريام فارس بديع أبو شقرا كارلوس عازار ندى أبو فرحات ميرفا القاضي وغيرن؟ وشو قصة الديو القريب بين باميلا الكك وستيفاني عطالله؟

أما بالشق الشخصي فتحدّثت نايله الخوري عن تحدّيات العمل بمجال متطلّب متل الإنتاج المسرحي وروي الخوري كشف لاوّل مرّة عن حادث سير كبير تعرّضله من 15 سنة وتغيّرت بسببه حياته 360 درجة… كل هالمواضيع وغيرها الكتير بتتابعوها بهالحلقة من ما بتقطع مع رنا أسطيح السبت 7 المسا عبر منصة هنا لبنان ورابط الحلقة موجود بالبايو والستوريز.