سمير صفير بأقوى هجوم ينتقد هؤلاء النجوم ومن اتهمَ بالنصب والاحتيال؟!

بهالحلقة من برنامج ما بتقطع مع رنا أسطيح بيفتح الملحن اللبناني سمير صفير قلبه ودفاتر ذكرياته وبيسترجع محطات من مشوار فني عمره أكتر من 33 سنة صنع خلاله أنجح الأغنيات لكبار نجوم العالم العربي. ولأول مرّة بالإعلام بيكشف أسرار من كواليس أكثر الأغنيات شهرةً ومعلومات بتنقال لأوّل مرّة عالهوا عن مواقف وأسماء صنعت محطّات ما بتنتسى بمشواره. وبصراحة وشفافية كبيرة بيحكي صفير عن تجربته بالسجن الانفرادي وكيف صنعت منه إنسان مختلف وبيستعيد حادثة سقوطه بأحد الفنادق المصرية ودخوله بغيبوبة لأيام. ليش اعتبر إنو الرحابنة صنعوا للبنان اللي فشلت 600 وزارة ثقافة بصناعته؟ ليش قال “ما بحياتي انتميت للتيار الوطني” وكيف دفع ثمن ولاءاته السياسية؟ شو الجهل الخطير اللي اعتبر انو العالم العربي بيعاني منه؟ ليش قال ثمن اللحن كان تخلّف وأصبح سرقة ونصب واحتيال؟!! شو الرسالة اللي وجهها للنجم وائل كفوري؟ شو قال عن تعاوناته مع النجوم مثل نجوىكرم نوال الزغبي عاصي الحلاني ملحم زين معين شريف نانسي عجرم أصالة صابر الرباعي وغيرهم؟

شو القضية اللي رفع فيها الصوت ومتمسك فيها لليوم؟ شو قال عن فيروز وزياد الرحباني؟ وبشو وصف عاصي الرحباني وبليغ حمدي؟ ليش اختار آمال ماهر وأحمد سعد من مصر؟ وشو قصّة غيابه لخمس ساعات بسبب أغنية أم كلثوم في يوم وليلة؟ كل هالمواضيع المشوّقة وغيرها الكتير بتتابعوها بالحلقة الكاملة على يوتيوب واللينك بالبايو والستوريز.
ما بتقطع من إعداد وتقديم رنا أسطيح عبر منصة هنا لبنان.