المايسترو إيلي العليا: صوت وائل كفوري يمثلني، بعشق إليسا وحلّو عن جورج وسوف!
مواضيع جريئة، اعترافات وتصريحات نارية بيكشف عنهن المايسترو ايلي العليا بحلقة نارية بامتياز من برنامج ما بتقطع مع رنا أسطيح. وبيكشف عن حفلة الليلة الذهبية اللي قال إنه رح يكون في 100 أغنية لتكريم جميع نجوم الزمن الجميل بالإضافة لأشهر الأغنيات الحديثة وإصدار لألبومه الجديد اللي رح يتضمن مفاجآت كتيرة. وبيكشف عن لحن عمره اكتر من 25 سنة، وبيستذكر فيه مشوار 40 سنة بالمجال وبيستعيد حفلاته مع العديد من النجوم متل نجوى كرم وائل كفوري ملحم بركات جورج وسوف صباح فيروز ماجدة الرومي وديع الصافي أحلام محمد عبده وغيرهم كتير…
ليش متّهم بالديكتاتورية؟ وشو قال عن المخرج اللبناني الراحل سيمون أسمر؟ وشو قصة آه يا ابو مجد للعملاق ملحم بركات؟ وليش قال عن جورج وسوف بأنه ما رح يتكرر وقال حلو عنّو خلّي يفرح!! ليش قال النشاز ما بيقطع؟
شو موقفه من الذكاء الاصطناعي ودخوله بمجال الفن؟ شو كان ردّه على السؤال اذا كان زمن ايلي العليا انتهى؟ وشو الأسئلة اللي ما قطعت مرور الكرام عنده؟ وشو هي اللحظة اللي ما بينساها بحياته وشو الرسالة القوية اللي وجهها للشباب باطار التوعية ضد المخدرات والادمان؟
كل هالأسئلة وغيرها بتتابعوها ضمن هالحلقة من ما بتقطع مع رنا أسطيح عبر منصة “هنا لبنان”.
